陳潔玲入TVB似異類 拍劇飯局唔敢去:唱K飲酒一定比人抽水

過往的香港小姐總會帶著光環、榮譽、甚至尊貴。但如今卻變被包裝為「逆市筍工」。曾在2012參選的陳潔玲,當年抱著好奇、沒什麼可輸的心態報名,最終由十強變為合約藝人。離巢之後,看到同屆黃心穎、湯洛雯、朱千雪等逐一上位擔正做花旦,陳潔玲感覺不大:「我搵錢多過九成TVB藝人啦」


陳潔玲在觀塘開設了兩間party room,月入平均有六位數字,她認為比起TVB藝人賺得更多。(葉志明攝)

港姐絕非筍工

對於陳潔玲來說,港姐一定不會是筍工,甚至可以說全世界沒有那份工比TVB更辛苦,皆因在實習初期間,領28元最低工資出埠拍旅遊特輯;到成為合約藝人後,出外景竟然要幫藝人擔遮;完約前半年,無故被雪藏,這一份荀工,不要也擺了。回想當初報名港姐的原因,陳潔玲說是身邊朋友不停游說,加上一份好奇心,令她最終與朱千雪、岑杏賢、張名雅、黃心穎、林泳淘、湯洛雯等人成為十強佳麗。


陳潔玲說選美時,由於並非擁有港姐package ,所以進入不了小圈子。

選港姐預咗輸

「原來選美競爭好大,唔係係你死就係我亡,我真係好廢,入到去先發現好多女仔細細個已經準備緊呢個比賽,譬如黃心穎,佢係睇晒咁多屆嘅港姐,背得出所有冠、亞、季軍。有啲細細個已經練定才藝表演、去外國讀名牌學校,就係為咗港姐package。我係土生土長香港人,要羸無咩可能。」其實近年的馮盈盈、黃嘉雯、何依婷都未有出國留學,所以陳潔玲口中的港姐 package純屬她的個人的計算。或者係因為自知沒有港姐package ,加上不善自我宣傳,所以陳潔玲在參選過程中,並沒有太積極,能夠入到十強都可以稱得上奇蹟。


與林泳淘一齊主持的《情謎越南》。

唔恨做花旦

訪問中,陳潔玲多次提到自己朋友多,但不包括TVB藝人,就連當初與她選美的人,亦已甚少聯絡。「我埋唔到堆,好似異類咁。從來唔會去食拍劇收工飯,宣傳能夠唔去亦都唔會去。唔去食飯係因為覺得好危險,唱K飲酒一定比人抽水,好黑暗。」對於抽水一事,陳潔玲表示曾經歷過,但不願多提。但問到可曾想過改變自己的性格去迎合藝人這份工作時,她十分嫌棄表示:「我唔渴望做藝人,同埋你做到一姐都搵唔到好多錢先,我而家搵錢多過九成TVB藝人。」


2012年港姐冠軍張名雅(中),以及亞軍王心穎(左)和朱千雪(右)。(VCG)

陳潔玲自從離巢之後,拍過電影、ViuTV劇集,近年主力經營Party Room,她說並非大生意,但勝在簡單、開心,雖然早前收入因疫情關係而插水,但她表示每月六位數字收入並非難事。

場地提供:悉尼樂園

You May Also Like

Comment

Khu Đô Thị Hưng Hoà TNR Đồng Văn