鄧佩儀素顏曝光 女神鍾嘉欣認證「真‧美女」

前港姐鄧佩儀早前傳被無綫掟入雪櫃,冇劇開敗走加拿大,現時冇工作在身嘅佢在家都「放任自己」懶得化妝,呢日佢喺社交網大晒素顏照,笑指:「最近很懶…習慣了天天不化妝不弄頭髮出門…這是好事還是壞事?」不過見其素顏樣同平日幾乎零分別,反而增添幾分青春味道,加上其雙頰紅紅,十足搽咗胭脂一樣,佢就解釋其實係天氣乾燥所致:「臉紅是因為乾燥」。網民均大讚佢素顏冇得輸,連女神BB鍾嘉欣都「認證」:「Very pretty!(非常漂亮!)」


鄧佩儀晒素顏相。


一樣咁靚。


同平時化咗妝冇乜分別。


女神好友鍾嘉欣(右)都讚靚。
——————————–
運動女神意志力驚人 陳靜跑完步晒終極腹肌

運動女神陳靜(DaDa)愛上瘋狂做運動,上山下海、踩單車、舉重都難佢唔到,唔單止身形Fit爆之餘,仲操得一身肌肉,佢話過每日都揀一樣運動嚟做,而今日(5日)佢就揀咗跑步,跑完步嘅DaDa成身香汗淋漓,佢就拎起手機對鏡自拍,大晒佢嘅「濕淋淋朱古力」,即係4舊腹肌,見到呢排「朱古力」真係好結實,睇得出佢付出好大努力,不過DaDa都話過,做運動唔係只係為鍛煉身材,係為鍛煉人嘅意志力、自控力、承受力、自信心以及積極樂觀的人生態度。


踩單車。


行山。


好有儀式感。


戴住手錶紀錄運動成果。


對住個海跑步,跑得都開心啲!

運動完後DaDa都有進食補充體力,不過都只係食牛油果、麥包及生果,但餐具就好高貴,睇嚟DaDa好鍾意儀式感。而好友王君馨睇到DaDa咁Fit都留言話:「唔得我真係唔可以偷懶了!」而DaDa就讚番王君馨身材Fit:「你偷懶都咁正,你唔偷懶點算!」而連詩雅亦有留言:「Ure so inspiring babe!」DaDa就約連詩雅嚟緊一齊做運動:「thank you dear,Let’s workout together when you come back!」


大晒4舊腹肌。


好犀利!


王君馨讚DaDa好Fit!

You May Also Like

Comment

Khu Đô Thị Hưng Hoà TNR Đồng Văn