明珠台主持│陳約臨訪問賽後張家朗示愛又飛吻 氣氛尷尬又失禮被網友鬧爆

東奧為香港奪金!有「193劍神」之稱的張家朗殺入男子花劍決賽,與上屆金牌得主意大利選手Daniele Garozzo爭奪金牌,最終成功以15:11勝出奪得金牌,是香港第2面金牌。比賽後,張家朗接受香港的傳媒訪問分享得獎的喜悅,心情仍未平復的他仍然大方面對大家的問題,只是沒想到TVB代表陳約臨竟然突然示愛,令張家朗一臉尷尬。

張家朗聽到陳約臨的示愛都尷尬不已。( 《2020東京奧運 黃金戰報》電視截圖)

張家朗甫出場走到訪問位置,陳約臨已經率先尖叫,她大大聲說:「我好鍾意你呀!點算呀?」面對突然的示愛,又跟比賽完全不關係的提問,張家朗只是尷尬說:「多謝大家。」隨後,陳約臨在訪問中不斷提出自己的個人感受,而並非向張家朗追問關乎比賽或者奪香港第二金牌感受的提問,令睇直播的觀眾睇到火都嚟!

陳約臨的提問:「你拎咗香港好耐好耐以嚟嘅第一個金牌(應為第二個),而家諗緊乜?」、「你由今朝九點鐘打到而家,你中間做咗啲咩?」等等後,張家朗開口講多謝家人,「最想多謝屋企人,有時我練得唔好會有脾氣…」張家朗未講完,陳約臨就搶住頻頻劖亂:「而家做緊直播你屋企人睇緊,你多謝佢哋啦!」不過張家朗以尷尬為由拒絕,陳約臨未有放棄說:「我覺得佢哋一定感動流淚,我自己喺觀眾席已經想喊…」

陳約臨再次講個人感受,其他專業的體育記者已經中斷她,立即追問其他重要的問題,但陳約臨仍然在旁大聲喪笑。她繼續搵位入:「攞獎牌呀你,我要改口叫你金家朗,唔得呀,唔得呀!你係香港人嘅驕傲,好proud of u!係呀,係呀,香港市民叫我畀個飛吻你喎而家,不過有社交距離…」張家朗已經尷尬到一個點,並向外面的工作人員示意問是否完成訪問,正想離開,不過現場記者繼續提問,而陳約臨再次進攻:「商場迫爆晒,就係睇你每一分都打得好穩定…」其他記者再次毫不客氣中斷她的感受發表,最後她說:「全部香港市民見證住,多謝你,為我哋爭光,多謝你!」


訪問教練時,陳約臨仍然冷靜。( 《2020東京奧運 黃金戰報》電視截圖)


訪問完畢,陳約臨的總結都語無論次。( 《2020東京奧運 黃金戰報》電視截圖)


恭喜張家朗。( 《2020東京奧運 黃金戰報》電視截圖)

全城都睇住直播,完成訪問後,陳約臨終於正面做總結,但她語無論次繼續發揮她的「零專業」,她說:「嘩,頭先…嗯…現場由朝早打香港個人賽,朝早打到日本差、差、差唔多十點,佢體力消耗好勁,但佢每一分鐘都打得好準確、好穩定…(靜咗幾秒)運動員得獎呢一刻實在意想不到,不過意想不到就更令人更加驚喜同開心。(再靜幾秒)我喺現場睇係好感受到香港運動員嘅熱血,有種make the dream come true嘅感覺,完全喺佢身上絕對感受到,意大利對手真係好勁,張家朗而家係世界第一,喺呢度祝張家朗…恭賀你為香港爭光,再一次恭喜張家朗,我哋會繼續支持香港隊,我Kelly陳約臨會繼續為大家賽事直擊,希望繼續睇現場直播,好!好開心呀真係!」


陳約臨一邊跑一邊打卡。(陳約臨IG)


陳約臨同現場記者都打成一片。(陳約臨IG)


陳約臨去到東京頻頻打卡。(陳約臨IG)

訪問完畢,網上洗版式鬧爆陳約臨,「邊個嚟㗎?好唔專業」、「垃圾記者,痴女又無內容」、「張家朗答緊問題個陣又打斷佢,我唔係想聽你發表感想啊」、「成個訪問都好尷,大量垃圾問題」等等。陳約臨今年25歲,與方力申、吳業坤、周奕瑋等出發日本東京代表香港採訪奧運會,其中以陳約臨和方力申獲安排近距離接觸賽事,而坤哥和周奕瑋只能做到周邊的採訪。陳約臨2017年畢業於珠海學院新聞與傳播學系,該校在社交網站不時用她的名字來招生,不過今次失禮的表現,未知會否影響校譽。她後來經「澳門選美連盟」推舉為2016年《國際小姐》選美活動的香港代表,並贏得「亞洲皇后」獎項。翌年加入無綫電視成為藝員,主持明珠台的《港生活‧港享受》外,亦有主持不少旅遊節目,在網上經常大曬性感泳衣照。


陳約臨經常都放性感相上IG(陳約臨IG)

You May Also Like

Comment

Khu Đô Thị Hưng Hoà TNR Đồng Văn