傳何雁詩完約將離巢無綫 重心將放音樂上︰睇吓同公司邊間最夾

何雁詩(Stephanie)於周日(25日 )出席電影《殺出個黃昏》謝票活動,她在電影中飾演馮寶寶(BoBo姐)的青年版,Stephanie透露因為樣子長得像BoBo姐,所以有這個演出機會,她說:「其實我啱啱入行嘅時候,都有啲朋友話我有啲似BoBo姐細個嗰陣,因為我嗰陣我係短頭髮,同佢以前更加似,所以多謝阿爸、阿媽,多謝家棟畀呢個機會我嘗試第一次喺電影工作。」


Stephanie周日(25日)出席《殺出個黃昏》謝票活動。(梁碧玲攝)

Stephanie透露現在在讀美國院校讀遙距的音樂課程,一直也有在寫歌,希望年尾可以推出一些新風格的歌曲。她表示主要是在音樂方面發展,「但係如果好似今次咁演啲電影,我都會好想好想去試,因為今次之後我發覺拍電影真係好好玩,同埋太耐冇做戲,有啲戲癮。(會唔會拍劇?)劇就暫時未有機會啦應該,咁就會試吓喺電影方面發展,如果有機會的話。」


有消息指Stephanie跟TVB完約後不會續約。(梁碧玲攝)

有消息指Stephanie跟無綫即將完約,更有指未會續約,Stephanie聞言即說:「其實合約方面我唔方便透露太多嘅,但係有啲咩消息我都唔會特別收埋囉,到時有啲咩消息會同大家講。(嚟緊都會有嘢要公布?)大家等吓啦,如果真係有嘢公布就會公布㗎啦,哈哈!(你會唔會想出去闖吓?)其實我暫時呢一刻都係會target喺任何對我嘅音樂事業最有利嘅地方,我就會去,亦都冇特別話要離開一個地方嘅,我覺得係睇吓係同公司邊間最夾咁樣。(但係你老公同埋朋友都喺晒TVB。)係啊係啊,唔關事嘅,兩樣嘢嚟嘅,就算我唔喺一間公司我都可以同其他人做朋友。」


被問到Stephanie會否想快點跟老公鄭俊弘(Fred)有小朋友,她說︰「都會嘅,但係順其自然啦,未有特別嘅concrete plan(具體計劃)。」(梁碧玲攝)

Stephanie曾向ViuTV的組合MIRROR,特別是成員呂爵安(Edan)公開示愛,故不時跟MIRROR扯上關係。被問到如果有機會,Stephanie會否抗拒跟ViuTV合作,她說︰「完全冇呢個感覺,我對任何公司都唔會有抗拒,包括自己公司或者出面公司在內,我覺得都係對事業最適合就同佢多啲合作。(想同ViuTV合作?)我又未諗喎,因為我而家仲喺TVB啊嘛,咁我真係覺得啱唱歌就做。(好欣賞MIRROR?)係啊!我都好欣賞《聲夢》,同埋好欣賞MIRROR,唱得歌嘅人我都鍾意。(會唔會好想同佢哋合作?)我唔介意㗎,任何工作同埋有錢收,我都會做。」


有消息指Stephanie跟TVB完約後不會續約。(梁碧玲攝)


Stephanie在戲中演BoBo姐的青年版。(梁碧玲攝)


Stephanie在戲中演BoBo姐的青年版。(梁碧玲攝)

點擊下圖看更多Stephanie的美照︰


何雁詩的IG有不少靚相。(Instagram/@honganc)


何雁詩不時去享受人生。(IG:@honganc)


Cute!(IG@honganc)

You May Also Like

Comment

Khu Đô Thị Hưng Hoà TNR Đồng Văn