【返工即炒!】一街冧樹危危乎 杜汶澤:公司所有人唔准返

本港噚日面對歷來最強大颱風「山竹」,十號風球懸掛咗10小時,造成相當大損害,港九各區到處滿目瘡痍,多條主要馬路、幹線佈滿被強風吹倒嘅大樹、垃圾等。

雖然今晨已經改掛三號風球,但係噚晚「山竹」嘅摧殘喺咁短時間內仍然無法回復,而因為路面情況非常惡劣,九巴新巴等大眾交通工具都宣佈停駛或維持有限度服務,教育局都宣佈無論幾號風球學生今日都會停課,避免發生意外。

[adinserter block=”1″]

不過身為打工仔就冇咁好彩喇,今朝有唔少人都要「攀石涉水」咁趕返工,大圍、沙田等地鐵站更加係人滿為患,最近做緊老闆嘅杜汶澤(阿澤)見到咁嘅環境都睇唔過眼,喺社交網站發文話:「你估條街垃圾多啲定香港政府垃圾多啲呢?冇車搭點返工呀?宣佈今日放假有幾難呀?我決定今日公司所有人唔准返工!返工即炒!」


見到今朝嘅情況,阿澤都忍唔住出聲(網上圖片)

之後阿澤就宣佈自己公司員工停工(網上圖片)
阿澤宣佈完公司今日停工之後,似乎都仲未下到啖氣,佢再次發文話:「我好想講,可能林鄭係公務員出身,一個成功嘅公務員,想成功,最重要係按本子辦事!例如:香港法律規定八號風球或以上停工,咁家陣三號吖嘛!照返規舉,咪要返工囉!實冇錯啦!至於今日民怨沸騰,哈!好笑嘞!一個成功嘅公務員,最重要係上司滿意吖嘛!民怨?民怨my ass!至於所謂僱主僱員自行決定上唔上班,就更加係成世人冇做過半亳子生意嘅諗法!因為如果全城一齊唔使返工,咁就大家都冇得做嘢,咁就唔存在不公平,冇競爭可言。但係如果大家自行決定,咁對家開,唔通我唔開呀?」


條氣未順嘅佢再一口氣講晒出嚟(網上圖片)
阿澤仲話:「林鄭呢條友,不單止離地,而且完全冇同理心兼冇常識!或者,佢真係好鍾意好鍾意返工囉!佢呢次嘅選擇,不但普羅市民受苦,連好多半山友都話,塞X咗一個鐘都落唔到山腳,谷X氣決定返屋企!連大粒佬都咁慘,咁打工仔,又可以點?」

打工仔?可以返工囉…
Source : Appledaily

You May Also Like

Leave a Reply

Your email address will not be published. Required fields are marked *