【嫁到這世界邊端2】腎病人妻靠志偉支付醫藥費:佢係再生父母

TVB真人騷《嫁到這世界邊端2》首個登場的韓國新抱秋仔與Oppa暢勇至死不渝的愛情,相信令唔少觀眾睇到眼濕濕。事實上,當時身患急性腎衰竭嘅秋仔其實身邊唔止得Oppa暢勇這位守護天使,圈中一位地位崇高的大哥亦是她的救命恩人。


香港人妻秋仔與Oppa暢勇的故事,感動萬千觀眾!(受訪者提供)


節目中提到秋仔是一名電視台導演。

秋仔曾為TVB服務

節目中提到秋仔畢業後就加入電視台並成為導演,而這間電視台正正就是TVB,當時秋仔負責的就是遊戲節目《超級無敵獎門人》。「志偉真係救咗我條命!」至今秋仔亦未曾忘記過曾志偉對自己的恩情,她透露:「我病咗之後,有一段時間無返工,之後開新一輯《獎門人》我就有返工,志偉就話好耐無見你,你搞緊乜嘢?我就同佢講我病咗。」


秋仔負責的就是TVB長壽遊戲節目《超級無敵獎門人》。(受訪者提供)


秋仔當時由PA開始做到導演。(受訪者提供)

專科醫療費曾志偉全包

當時曾志偉得知原來秋仔是患上急性腎衰竭這個大病後,義不容辭馬上為她介紹專科醫生,秋仔透露:「志偉聽到我病,因為佢人面廣都有介紹一個好出名嘅腎科醫生俾我。個醫生喺中環,其實入去睇都至少一千蚊,唔計食藥同抽血。但我都照去睇咗,但睇完醫生無收我錢。咁我打俾志偉,佢話睇啲咁貴嘅醫生,對我嚟講係一種負擔,叫我安心睇,錢嗰度叫我唔洗擔心,咁志偉一直都有幫我俾醫療費。唔止咁,志偉得閒仲會問下個醫生幾時嚟,佢間中都會出現了解吓我病情,又會安慰我媽咪!」


結婚時,志偉哥亦是秋仔的證婚人。(受訪者提供)

秋仔稱志偉是「再生父母」

有情有義的曾志偉就這樣,默默為秋仔承擔了足足一年的醫療費,直到秋仔遠嫁韓國。秋仔稱曾志偉恍如再生父母,她感恩地說:「好多謝志偉當初二話不說就幫忙。如果冇佢,我依家都未必可以同老公可以咁快樂地生活。一個咁有影響力嘅人,其實唔一定會幫人,但係佢會用佢嘅有能力去幫助我呢啲小小幕後同事,其實真係好難得,我老公同媽媽都好感謝佢。如果唔係佢,可能我已經唔喺度,所以志偉係救咗我條命。」


秋仔至今仍十分感謝各位同事的幫忙。(受訪者提供)

公司同事為秋仔籌醫藥費

除了曾志偉不求回報的付出外,秋仔至今亦非常感謝TVB同事們的幫忙,她表示:「頭一年,我病情都好反復,入咗3次ICU,好多嘢可能政府醫院唔知我發生咩事,所以都用咗好多錢睇私家,而且呢啲大病通常都會搵幾個醫生睇比較好。當時保險都claim爆晒,所以都無錢睇醫生。咁TVB的同事都好好,二話不說幫我去籌款。後尾收到啲籌款,好多未合作嘅藝人都有捐款,我記憶中有楊卓娜。」因為大病,令秋仔感受到人間有情。如今秋仔病情已經穩定,衷心希望她和韓國Oppa可以一直甜蜜幸福!


(電視截圖)


(電視截圖)

Source : HK01

You May Also Like

Comment

Khu Đô Thị Hưng Hoà TNR Đồng Văn