「雄姐」殉職勁催淚 網民激讚演員做得好

無綫熱播劇《跳躍生命線》就快大結局,上星期五嗰集講到飾演「雄姐」嘅張彥博出勤遇上危樓塌陷而殉職「提早落更」,劇情勁催淚!雄姐天性純品、溫柔、體貼,所以唔少觀眾都覺得佢唔應該死!而尋晚嗰集繼續有感動位,講到失去戰友嘅兄弟們出席雄姐喪禮,眾人難掩傷感,又諗起雄姐擦鞋擦得最「令立立」嘅回憶,仲帶埋遺物到場!當大家同雄姐告別時,講出一句:「雄姐,落更喇,收工喇!」網民都話好感動,睇到喊呀,「喊到癲 點解呀!雄姐」!


嗚…

[adinserter block=”1″]

雖然戲集由一班小鮮肉包括何廣沛及郭子豪等預飛,但演技都大受讚賞,充滿感情!而當中「大隻仔」郭子豪唔係得個殼,啲喊戲仲做得好好,唔浮誇又真實!好多人都留言「子豪今次做得點到即止,突然爆發呢吓好到point」、「感受到你嘅心痛」、「好衰㗎😭喊足全集呀」,仲有觀眾睇得非常投入叫佢:「雄姐走了。以後少個朋友了。好好保重。希望你開心!」


「雄姐」張彥博殉職「提早落更」令觀眾大感難過。


此情只成追憶。

而上星期五嗰集,最令大家佩服嘅係連劇名及片尾曲都由彩色轉成黑白,再配合雄姐講出:「咁多位兄弟,我落更先啦,Good Day!」煽情又不做作,加埋首歌,依家睇番都會不禁落淚呀!雖然呢套劇唔係「大製作」,但幕後嘅用心同演員嘅努力,觀眾都全部接收晒呀!


劇名及片尾曲都由彩色轉成黑白,真係勁有誠意!


而尋晚嗰集繼續有催淚位,郭子豪呢幕喊戲好感人!


何廣沛難掩憂傷。


網民留言。

Source : HKONCC

You May Also Like

Leave a Reply

Your email address will not be published. Required fields are marked *